societed d'opera engiadinaisa

La «Societed d’opera engiadinaisa/Engadiner Operngesellschaft» es gnida fundeda ils 25 schner 2020 a Puntraschigna scu societed d’ütil public sainza scopo da rendita tenor ils artichels 60ss. dal cudesch civil. La societed promouva la sparta da l’opera in tuot l’Engiadina ed illas valledas da lingua taliauna i’l süd dal Grischun. Ella sustegna impustüt ideelmaing e materielmaing las occurrenzas dal  Opera-Forums Engiadina taunt scu ils concerts da cors e las rapreschantaziuns d’operas i’l ram dal Festival Opera Engiadina. La part essenziela da quista societed es il Cor Opera Engiadina, chi cultivescha svessa quista sparta artistica. Per quist motiv do que duos fuormas da commembranza: commembers chi chauntan e commembers chi nu chauntan. La commembranza per üna persuna singula cuosta 100.- francs l’an, la commembranza per pêrs cuosta 150.- francs l’an. Que es eir pussibel da dvanter fautur da la societed a partir da 600.- francs. Ulteriuras contribuziuns da sponsurs e commembranzas da persunas giuridicas vegnan regledas cun la suprastanza.